ថ្មីៗនេះ ASUS ROG (Republic of Gamers) បានបញ្ចេញនូវកំពូលម៉ាស៊ីន Mini PC ម៉ូដែលថ្មីគឺ ROG GR70 ដែលជាការវិវត្តន៍ថ្មីមួយក្នុងពិភពកុំព្យូទ័រខ្នាតតូច ប៉ុន្តែមានកម្លាំងម៉ាស៊ីនខ្លាំងដូចទៅនឹង Desktop ខ្នាតធំ (Full-sized Desktop) ដែរ។

រូបរាងតូចច្រឡឹង តែមានស្ទីលបែប Cyberpunk
ROG GR70 ត្រូវបានរចនាឡើងយ៉ាងសម្រិតសម្រាំងជាមួយនឹងរូបរាងខាងក្រៅបែប futuristic។ វាស័ក្តិសមបំផុតសម្រាប់អ្នកប្រើប្រាស់ដែលចង់បានសោភ័ណភាពតុបតែងបន្ទប់បែបទំនើប និងសន្សំសំចៃផ្ទៃតុ ប៉ុន្តែមិនចង់បោះបង់ចោលនូវកម្លាំងម៉ាស៊ីនសម្រាប់លេងហ្គេមធុនធ្ងន់។

លក្ខណៈសម្បត្តិបច្ចេកទេស (Key Specifications)

+ CPU : បំពាក់មកជាមួយ Intel® Core™ i9 ជំនាន់ចុងក្រោយ
+ GPU : NVIDIA® GeForce RTX™ 40-Series
+ RAM : Support DDR5 ល្បឿនលឿនបំផុត
+ Fans : ប្រព័ន្ធកង្ហារមធ្យម និងរន្ធបញ្ចេញកម្ដៅបានសព្វពេញម៉ាស៊ីន
+ Connected: Thunderbolt™ 4, Wi-Fi 6E និង 2.5 Gb Ethernet

សមត្ថភាពលើសពីការរំពឹងទុក

អ្វីដែលធ្វើឱ្យ ROG GR70 ពិសេសជាង Mini PC ដទៃទៀត គឺសមត្ថភាពក្នុងការគ្រប់គ្រងកម្ដៅ។ បើទោះបីជាវាមានទំហំតូច ប៉ុន្តែ ASUS បានរចនាប្រព័ន្ធលំហូរខ្យល់យ៉ាងឆ្លាតវៃ ដើម្បីធានាថា CPU និង GPU ដំណើរការបានពេញលេញដោយមិនមានបញ្ហាកម្ដៅ (Thermal Throttling) សូម្បីតែពេលកំពុងលេងហ្គេមក្នុងកម្រិត 4K ឬការកាត់តវីដេអូកម្រិតខ្ពស់ក៏ដោយ។

ចំណុចពិសេសផ្សេងទៀត
+ Aura Sync : ន្លឺភ្លើង RGB ដែលអាចសារ៉េបានតាមចិត្ត និងស៊ីគ្នាជាមួយគ្រឿង Hardware ផ្សេងទៀត។
+ Tool-free Design : រចនាឡើងដើម្បីឱ្យអ្នកប្រើប្រាស់ងាយស្រួលក្នុងការដោះដូរ ឬ Upgrade គ្រឿងបន្លាស់ខាងក្នុងបានយ៉ាងងាយ។
+ Dolby Atmos : ផ្តល់នូវបទពិសោធន៍សំឡេងដូចនៅក្នុងរោងភាពយន្ត។

ROG GR70 មិនមែនត្រឹមតែជាកុំព្យូទ័រសម្រាប់លេងហ្គេមប៉ុណ្ណោះទេ ប៉ុន្តែវាគឺជាម៉ាស៊ីនសម្រាប់អ្នកបង្កើតមាតិកា (Content Creators) និងអ្នកបច្ចេកទេសដែលត្រូវការម៉ាស៊ីនខ្លាំងក្នុងទំហំតូច។ នេះជាជម្រើសដ៏ល្អបំផុតសម្រាប់អ្នកដែលធុញទ្រាន់នឹង Case កុំព្យូទ័រធំៗដែលញ៉េរញ៉ៃ។