ROG G1000 (2026) មិនមែនគ្រាន់តែជា Desktop ធម្មតានោះទេ ប៉ុន្តែវាគឺជាការបង្ហាញពីមហិច្ឆតារបស់ ASUS ក្នុងការនាំយកបទពិសោធន៍ Visual កម្រិតថ្មីមកកាន់តុ Gaming ។

បច្ចេកវិទ្យា AniMe Holo រូបភាព 3D រស់រវើកលើកញ្ចក់ ចំណុចដែលធ្វើឱ្យគ្រប់គ្នាភ្ញាក់ផ្អើលបំផុតគឺ AniMe Holo System។ វាប្រើប្រាស់កង្ហារពិសេសដែលមានអំពូល LED រត់ក្នុងល្បឿនលឿន ដើម្បីបង្កើតជារូបភាព Hologram (3D) បញ្ចាំងនៅលើបន្ទះកញ្ចក់ចំហៀង និងខាងមុខនៃ Case អ្នកអាចដាក់រូបភាព GIF, វីដេអូ MP4, ឬរូបភាព Branding ផ្ទាល់ខ្លួនឱ្យលោតឡើងជាលក្ខណៈ 3D។ វាមានតំបន់បង្ហាញចំនួន ៣ កន្លែង (កញ្ចក់ចំហៀង ១ និងកញ្ចក់មុខ ២) ដែលអាចបញ្ជាបានតាមរយៈកម្មវិធី Armoury Crate។

ដើម្បីទប់ទល់នឹងហ្គេមធំៗនៅឆ្នាំ  2026  ROG G1000 ត្រូវបានបំពាក់ដោយគ្រឿងបន្លាស់ខ្លាំងៗបំផុត៖ 

- CPU: រហូតដល់ AMD Ryzen 9 9950X3D (ជំនាន់ចុងក្រោយដែលខ្លាំងបំផុតសម្រាប់ហ្គេម)។

- GPU: រហូតដល់ NVIDIA GeForce RTX 5090 (32GB GDDR7) ឬ AMD Radeon RX 9070 XT។

- RAM: គាំទ្រដល់ 128GB DDR5។
- Storage: អាចដាក់បានដល់ 4TB NVMe PCIe 5.0 SSD (មានរន្ធ M.2 ចំនួន ៤)។
- PSU: 1000W 80 Plus Gold ផ្ដល់ថាមពលស្ថេរភាពខ្ពស់។

ដោយសារវាមានកម្លាំងខ្លាំង ASUS បានបង្កើត Case ទំហំយក្ស 104 Liters ដែលបែងចែកខ្យល់ជា ៣ តំបន់ (Tri-zone Airflow)៖Thermal Atrium: ជាបន្ទប់ដាច់ដោយឡែកនៅផ្នែកខាងលើសម្រាប់ដាក់ Radiator 420mm (AIO Liquid Cooler) ដើម្បីបឺតខ្យល់ត្រជាក់ពីខាងក្រៅដោយផ្ទាល់។តំបន់ GPU និង PSU ក៏ត្រូវបានបែងចែកដាច់ពីគ្នា ដើម្បីកុំឱ្យកម្ដៅរំខានគ្នាទៅវិញទៅមក។

Tool-less Design: ងាយស្រួលក្នុងការដោះដូរ ឬ Upgrade គ្រឿងបន្លាស់ដោយមិនចាំបាច់ប្រើទួណឺវីស។Connectivity: បំពាក់បច្ចេកវិទ្យា Wi-Fi 7 និង Bluetooth 5.4 ជំនាន់ចុងក្រោយ។ វាមានទម្ងន់ធ្ងន់រហូតដល់ជិត ៤០ គីឡូក្រាម ដែលស័ក្តិសមជាគ្រឿងតុបតែងបន្ទប់ដ៏ប្រណីត។

គិតត្រឹមពេល CES 2026 នេះ ASUS មិនទាន់បានបញ្ជាក់ពីតម្លៃជាក់លាក់នៅឡើយទេ ប៉ុន្តែតាមការប៉ាន់ស្មាន វានឹងមានតម្លៃខ្ពស់ខ្លាំង (Premium Price) ហើយគ្រោងនឹងបញ្ចេញលក់នៅលើទីផ្សារក្នុងកំឡុងត្រីមាសទី ១ ឬទី ២ ឆ្នាំ ២០២៦ នេះ។