នៅក្នុងព្រឹត្តិការណ៍បច្ចេកវិទ្យាដ៏ធំ CES 2026 ក្រុមហ៊ុន HP បានធ្វើឱ្យពិភពលោកមានការភ្ញាក់ផ្អើលយ៉ាងខ្លាំង ដោយបានប្រកាសចេញនូវផលិតផលថ្មីស្រឡាងមួយគឺ HP EliteBoard G1a Next Gen AI PC។ នេះមិនមែនត្រឹមតែជា Keyboard ធម្មតានោះទេ ប៉ុន្តែវាគឺជាកុំព្យូទ័រ AI ពេញលេញមួយ (Full-blown PC) ដែលត្រូវបានបង្រួមបញ្ចូលទៅក្នុងតួខ្លួន Keyboard ដ៏ស្តើងបំផុត។

EliteBoard G1a ត្រូវបានរចនាឡើងក្នុងគោលបំណងកាត់បន្ថយភាពស្មុគស្មាញនៅលើតុធ្វើការ។ ជាមួយនឹងកម្រាស់ត្រឹមតែ ១២ មីលីម៉ែត្រ និងទម្ងន់ស្រាលត្រឹម ៧៥០ ក្រាម វាផ្តល់នូវភាពងាយស្រួលបំផុតសម្រាប់អ្នកដែលចូលចិត្តធ្វើការផ្លាស់ប្តូរទីកន្លែង។ អ្នកគ្រាន់តែភ្ជាប់វាទៅកាន់ Monitor តាមរយៈខ្សែ USB-C តែមួយគត់ នោះអ្នកនឹងទទួលបានបទពិសោធន៍ប្រើប្រាស់កុំព្យូទ័រ Desktop ភ្លាមៗ។

ទោះបីមានរូបរាងតូចច្រឡឹង ប៉ុន្តែសមត្ថភាពខាងក្នុងរបស់វាគឺពិតជាមិនធម្មតា៖

+ Processor : បំពាក់ដោយ AMD Ryzen™ AI 300 Series ជំនាន់ចុងក្រោយ។

+ AI Performance: មាន NPU ដែលអាចរត់បានដល់ទៅ 50 TOPS (Trillions of Operations Per Second) ដែលអនុញ្ញាតឱ្យការប្រើប្រាស់កម្មវិធី AI ដូចជា Microsoft Copilot+ ដំណើរការបានយ៉ាងរលូនដោយមិនចាំបាច់ប្រើ Cloud។

+ Memory : គាំទ្រ RAM រហូតដល់ 64GB DDR5 និងផ្ទុកទិន្នន័យ SSD ដល់ទៅ 2TB ដែលអ្នកប្រើប្រាស់អាចធ្វើការ Upgrade ដោយខ្លួនឯងបានយ៉ាងងាយស្រួល។

+ Graphic : ប្រើប្រាស់ AMD Radeon™ 800M Series ដែលផ្តល់រូបភាពច្បាស់ត្រជាក់ភ្នែក។

HP EliteBoard G1a មិនត្រឹមតែជាកុំព្យូទ័រប៉ុណ្ណោះទេ វាក៏មានបំពាក់នូវ៖

+ ប្រព័ន្ធសំឡេង: Stereo Speakers និង Dual Microphones buil-in ស្រាប់សម្រាប់ការប្រជុំ Online។

+ គាំទ្រ Wi-Fi 7 និង Bluetooth 6.0 សម្រាប់ការភ្ជាប់ដែលលឿនបំផុត។

+ មានរន្ធ USB4, HDMI 2.1 និង Thunderbolt™ 4 ដែលអាចភ្ជាប់ទៅកាន់ Monitor កម្រិត 4K បានដល់ទៅ ២ ក្នុងពេលតែមួយ។

+ មានជម្រើសម៉ូដែលដែលមាន ថ្មជាប់ក្នុងខ្លួន (32Whr) ដែលអាចប្រើប្រាស់បានប្រហែល ៣.៥ ម៉ោង ដោយមិនបាច់ដោតភ្លើង។

សម្រាប់ផ្នែកអាជីវកម្ម HP បានដាក់បញ្ចូលនូវប្រព័ន្ធសុវត្ថិភាព HP Wolf Security ដែលការពារតាំងពីកម្រិត Hardware រហូតដល់ Software ដើម្បីធានាថាទិន្នន័យរបស់អ្នកប្រើប្រាស់ត្រូវបានការពារពីការវាយប្រហារផ្សេងៗ។

HP EliteBoard G1a គ្រោងនឹងចេញលក់ជាផ្លូវការនៅលើគេហទំព័រ HP.com នៅក្នុង ខែមីនា ឆ្នាំ២០២៦ ខាងមុខនេះ។ ចំពោះតម្លៃវិញ HP មិនទាន់បានបញ្ជាក់ផ្លូវការនៅឡើយទេ ប៉ុន្តែត្រូវបានគេរំពឹងថាវានឹងមានតម្លៃធូរថ្លៃជាង Laptop លំដាប់ខ្ពស់ និងសាកសមបំផុតសម្រាប់ស្ថាប័នរដ្ឋ ឬក្រុមហ៊ុនឯកជនដែលចង់រៀបចំការិយាល័យបែបទំនើប និង Clean។

ប្រភព៖ HP Newsroom / CES 2026