ក្រុមហ៊ុន LG Electronics បានធ្វើការផ្លាស់ប្តូរមុខមាត់ថ្មីនៃវិស័យម៉ូនីទ័រ Gaming ដោយប្រកាសចេញត្រកូល UltraGear evo ជំនាន់ថ្មី ដែលបំពាក់នូវបច្ចេកវិទ្យា 5K AI Upscaling ជាលើកដំបូងបំផុតលើពិភពលោក។

អ្វីដែលធ្វើឱ្យ UltraGear evo ក្លាយជាស្ដេចម៉ូនីទ័រ?

On-Device AI Upscaling : ជាបច្ចេកវិទ្យា AI ដែលមានស្រាប់នៅក្នុងម៉ូនីទ័រតែម្ដង។ វាជួយពង្រីកកម្រិតរូបភាពឱ្យច្បាស់ដល់ 5K ក្នុងពេល real-time ដោយមិនចាំបាច់ប្រើកម្លាំងបុកពី GPU ឡើយ។ នេះមានន័យថា អ្នកអាចទទួលបានរូបភាពច្បាស់បំផុតដោយមិនបាច់ដំឡើងកាតក្រាហ្វិកថ្លៃៗ។

Dual Mode (High Speed vs High Res) : អ្នកលេងហ្គេមអាចប្តូរមុខងារបានភ្លាមៗរវាង៖

+ កម្រិត 5K (165Hz) សម្រាប់រូបភាពច្បាស់ល្អឥតខ្ចោះ។

+ កម្រិត QHD/WFHD (330Hz) សម្រាប់ល្បឿនលឿនដូចផ្លេកបន្ទោរ (0.03ms) ស័ក្តិសមសម្រាប់ហ្គេមបាញ់គ្នា។

ជម្រើសអេក្រង់កំពូលៗ៖

39-inch OLED (39GX950B) : អេក្រង់កោង 1500R ប្រើបច្ចេកវិទ្យា Tandem OLED ផ្ដល់ពណ៌ខ្មៅដិត និងពន្លឺច្បាស់ជាងមុន។

27-inch Mini LED (27GM950B) : មាន local dimming ដល់ទៅ 2,304 zones ដែលជួយកម្ចាត់បញ្ហាពន្លឺព្រាល (Blooming) ឱ្យអស់ពីអេក្រង់។
52-inch Ultra-Wide (52G930B) : ជាម៉ូនីទ័រ 5K2K ដែលធំជាងគេលើលោក (Aspect Ratio 12:9) ផ្ដល់នូវអារម្មណ៍ដូចនៅក្នុងរោងភាពយន្ត។

AI Sound & Scene Optimization: AI នឹងវិភាគលើប្រភេទហ្គេមដែលអ្នកកំពុងលេង ដើម្បីសារ៉េពណ៌ និងសំឡេងឱ្យស្របទៅតាមសាច់រឿងដោយស្វ័យប្រវត្តិ។

ហេតុអ្វីបានជាវាជាការវិវត្តដ៏ធំ?

ការនាំយក AI មកដោះស្រាយបញ្ហារូបភាពដោយផ្ទាល់លើម៉ូនីទ័រ គឺជាដំណោះស្រាយដ៏ឆ្លាតវៃបំផុត។ វាមិនត្រឹមតែជួយឱ្យហ្គេមមើលទៅស្អាតជាងមុនប៉ុណ្ណោះទេ ប៉ុន្តែវាក៏ជួយកាត់បន្ថយបន្ទុកការងាររបស់កុំព្យូទ័រ (PC) ធ្វើឱ្យការលេងហ្គេមកាន់តែរលូន ទោះបីជាប្រើប្រាស់កុំព្យូទ័រកម្រិតមធ្យមក៏ដោយ។

LG UltraGear evo នឹងត្រូវដាក់បង្ហាញជាសាធារណៈនៅក្នុងព្រឹត្តិការណ៍ CES 2026 ខាងមុខនេះ។ វាគឺជាសុបិនរបស់អ្នកលេងហ្គេមដែលចង់បានតុល្យភាពរវាង "សម្រស់រូបភាព" និង "ល្បឿន"។